रात्रि जागरण गीत
रात्रि जागरण गीत जुजार जी का पहला गीत हम लिख चुके है | इस पोस्ट मे हमने जुजार जी के अन्य 3 गीत लिखे है | यह गीत पड़ने मे आसान है और याद रखने मे भी | इन गीतों को आप बहुत आसानी से जल्द हि याद कर लेंगे |
जुजार जी का दूसरा गीत
पागा बांधो हो जुजार जी म्हारी सासु लड़े, मोती पेरो हो जुजार जी म्हारी जेठानी लड़े |
पाणी चाली वो पणियारी रस्ता मे नागजी बैठा, डसी लो रे नागण का जाया राड मिटे ||
कैसे डसा वो पणियारी थारा पीयू की प्यारी, थारा पीयू की प्यारी वो थारा बालुडा रोवे ||
कंठी पेरो हो जुजार जी म्हारी देराणी लड़े, जामा पेरो हो जुजार जी म्हारी ननंद लड़े |
पाणी चाली वो पणियारी रस्ता मे नागजी बैठा, डसी लो रे नागण का जाया राड मिटे ||
कैसे डसा वो पणियारी थारा पीयू की प्यारी, थारा पीयू की प्यारी वो थारा बालुडा रोवे ||
कड़ा पेरो हो जुजार जी म्हारी सोकड़ लड़े, मोजा पेरो हो जुजार जी म्हारी पड़ोसन लड़े ||
पाणी चाली वो पणियारी रस्ता मे नागजी बैठा, डसी लो रे नागण का जाया राड मिटे ||
कैसे डसा वो पणियारी थारा पीयू की प्यारी, थारा पीयू की प्यारी वो थारा बालुडा रोवे ||
जुजार जी का तीसरा गीत
तमारा दादाजी ने महल चूणाया हो जुजार जी कठे रईग्या रात |
हमारी माता बई ने जमलो जगायो हो जुजार जी वठे रईग्या रात ||
तमारा काकाजी ने महल चूणाया हो जुजार जी कठे रईग्या रात |
हमारी काकी बई ने जमलो जगायो हो जुजार जी वठे रईग्या रात ||
तमारा ताऊजी ने महल चूणाया हो जुजार जी कठे रईग्या रात |
हमारी ताई बई ने जमलो जगायो हो जुजार जी वठे रईग्या रात ||
तमारा बीराजी ने महल चूणाया हो जुजार जी कठे रईग्या रात |
हमारी भाबज बई ने जमलो जगायो हो जुजार जी वठे रईग्या रात ||
तमारा जीजाजी ने महल चूणाया हो जुजार जी कठे रईग्या रात |
हमारी बेन्या बई ने जमलो जगायो हो जुजार जी वठे रईग्या रात ||
तमारा नानाजी ने महल चूणाया हो जुजार जी कठे रईग्या रात |
हमारी नानी बई ने जमलो जगायो हो जुजार जी वठे रईग्या रात ||
तमारा मामाजी ने महल चूणाया हो जुजार जी कठे रईग्या रात |
हमारी मामी बई ने जमलो जगायो हो जुजार जी वठे रईग्या रात ||
तमारा मासाजी ने महल चूणाया हो जुजार जी कठे रईग्या रात |
हमारी मासी बई ने जमलो जगायो हो जुजार जी वठे रईग्या रात ||
तमारा फूफाजी ने महल चूणाया हो जुजार जी कठे रईग्या रात |
हमारी भूआ बई ने जमलो जगायो हो जुजार जी वठे रईग्या रात ||
तमारा कुँवरिया ने महल चूणाया हो जुजार जी कठे रईग्या रात |
हमारी कले बऊ ने जमलो जगायो हो जुजार जी वठे रईग्या रात ||
रात्रि जागरण गीत मे जुजार जी का चौथा गीत
जुजार जी धोलों घोड़ों ने मुख हिसण्यों, जुजार जी मोतिया से जड़ी हे लगाम हो |
हो जुजार राणा चड़ती जवानी रण मे जूझीया ||
जुजार जी बेटा महेशलाल (अपने बेटे का नाम) ने भेज़्या नोतरा |
म्हारा हतई रा बैठन वाला आओ,
हो जुजार राणा चड़ती जवानी रण मे जूझीया ||
म्हारा घोड़ीला बैठन वाला आओ,
हो जुजार राणा चड़ती जवानी रण मे जूझीया ||
जुजार जी बेटा अरुणलाल (अपने दूसरे बेटे का नाम) ने भेज़्या नोतरा |
म्हारा हतई रा बैठन वाला आओ,
हो जुजार राणा चड़ती जवानी रण मे जूझीया ||
म्हारा घोड़ीला बैठन वाला आओ,
हो जुजार राणा चड़ती जवानी रण मे जूझीया ||
जुजार जी बेटा हो नाना मोटा ने भेज़्या नोतरा |
म्हारा हतई रा बैठन वाला आओ,
हो जुजार राणा चड़ती जवानी रण मे जूझीया ||
म्हारा घोड़ीला बैठन वाला आओ,
हो जुजार राणा चड़ती जवानी रण मे जूझीया ||
जुजार जी बऊ हो लाड़ी ने भेज्या नोतरा |
म्हारा कासा रा जीमण वाला आओ,
हो जुजार राणा चड़ती जवानी रण मे जूझीया ||
म्हारा थाली रा जीमण वाला आओ,
हो जुजार राणा चड़ती जवानी रण मे जूझीया ||
जुजार जी बऊ हो जोड़ा ने भेज्या नोतरा |
म्हारा कासा रा जीमण वाला आओ,
हो जुजार राणा चड़ती जवानी रण मे जूझीया ||
म्हारा थाली रा जीमण वाला आओ,
हो जुजार राणा चड़ती जवानी रण मे जूझीया ||
जुजार जी बऊ हो नानी मोटी ने भेज्या नोतरा |
म्हारा कासा रा जीमण वाला आओ,
हो जुजार राणा चड़ती जवानी रण मे जूझीया ||
म्हारा थाली रा जीमण वाला आओ,
हो जुजार राणा चड़ती जवानी रण मे जूझीया ||
आगे पड़े ↓
जुजार जी बेन्या हो शांति बई (अपनी बेटी का नाम) ने भेज्या नोतरा |
म्हारा पील्या रा ओड़ावन वाला आओ,
हो जुजार राणा चड़ती जवानी रण मे जूझीया |
म्हारा चुंदड़ रा ओड़ावन वाला आओ,
हो जुजार राणा चड़ती जवानी रण मे जूझीया ||
जुजार जी बेन्या हो रेखा बई (अपनी दूसरी बेटी का नाम) ने भेज्या नोतरा |
म्हारा पील्या रा ओड़ावन वाला आओ,
हो जुजार राणा चड़ती जवानी रण मे जूझीया |
म्हारा चुंदड़ रा ओड़ावन वाला आओ,
हो जुजार राणा चड़ती जवानी रण मे जूझीया ||
जुजार जी सगली हो बेन्या ने भेज्या नोतरा |
म्हारा पील्या रा ओड़ावन वाला आओ,
हो जुजार राणा चड़ती जवानी रण मे जूझीया |
म्हारा चुंदड़ रा ओड़ावन वाला आओ,
हो जुजार राणा चड़ती जवानी रण मे जूझीया ||
रात्रि जागरण के और महत्वपूर्ण गीत
- दीपक का गीत
- पूर्बज के गीत
- पिपली का गीत
- नहाने का गीत
- पिपली का गीत 2
- नोतरा का गीत
- जुजार जी का गीत
- केसर का गीत
- पान का गीत
- जाजम का गीत
- ढोलक का गीत
- लाड़ी बऊ का गीत
- बड़े जुजार जी का गीत
- पूर्बज के गीत भाग 2
- पूर्बज के गीत भाग 3
- जुजार जी के गीत भाग 3
- सूरा पूरा के गीत
- चणीयारी या अंतिम गीत
- भैरु महाराज के गीत
- सिद्ध बड़ (बरगद) पेड़ का गीत
- सती माता के गीत
- परी माता के गीत
- छींक माता और चौथ माता के गीत
- शीतला माता और बिजासन माता के गीत
- चारभुजा जी और रामदेव जी के गीत
- नाग महाराज और पाल्या महाराज के गीत
- महेंदी का गीत
- सभी देवी देवता के गीत
- चामुंडा माता का गीत और हनुमान जी का गीत
इसी तरह हमारी आने वाली पोस्ट या आगे लिखे जाने वाले गीत, कथा आप पड़ेंगे और फिर पड़कर उसे गाना पसंद करेंगे | अगर आप रात्रि जागरण के और गीत सुनना चाहते है तो इस वेबसाइट पर जाकर सुन सकते है |
